Atyraýda shıki munaıǵa suranys artady

ASTANA. QazAqparat - Qaıta jańǵyrtýdan ótken qazaqstandyq munaı óńdeý zaýyttarynda shıkizat tapshylyǵy oryn alaýy múmkin. Shıki munaı jetispeýshiliginen qutylý máselesi Atyraýdaǵy munaı óńdeý zaýytynda ótken Parlament Májilisi komıssııasynyń kóshpeli otyrysynda aıtyldy, dep habarlaıdy 24.kz.

Eldegi 3 munaı óńdeý zaýytyn jańǵyrtý jumystary aıaqtalýǵa jaqyn. Osydan keıin qara altyn óńdeý kólemi 14 mıllıon 200 myń tonnadan, 16 jarym mıllıon tonnaǵa artady. Shıkizat tereń óńdeledi, munaı ónimderiniń sapasy jaqsaryp, Eýro-4 jáne 5 talaptaryna saı bolady. El birinshi ret munaı ónimderi ımportynan bas tartýmen qatar, otandyq benzın men dızeldiń bir bóligin eksportqa shyǵarady. Bul úshin munaı óńdeý zaýyttaryna jetkilikti shıkizat túsip turýy tıis. Alaıda munaı óndirýshi kompanııalar úshin qara altyndy syrtqy naryqqa shyǵarǵan tıimdi.

«Energetıka mınıstrligi rettep otyratyn ishki naryqqa baǵyttalǵan belgili bir kólemdegi kvota bar. Osynyń esebinen munaı óńdeý zaýyttarynda janar-jaǵarmaı daıyndalýda. Al zaýyttardyń qýatty artqan saıyn, shıki munaıǵa suranys kóbeıedi jáne bul másele qalaı sheshiletini ázirge belgisiz. Sondyqtan bul jaǵdaıdy zańmen retteý qajet bolatyn sııaqty. Búgingi basqosýdyń maqsaty da osy suraqtarǵa jaýap izdeý bolatyn»-deıdi QR Parlamenti Májilisiniń depýtaty Amanjan Jamalov.