Atyraýda sheteldikter mamandyǵyna dıplomy sáıkes kelmegendikten jumystarynan shyǵaryldy

ATYRAÝ. QazAqparat - Atyraýda tórt sheteldik mamandyǵy boıynsha dıplomy sáıkes kelmegendikten jumystarynan aıyryldy, dep habarlady «QazAqparat» HAA tilshisi.

«Inspektorlar bul faktini  Kıý I Dı jáne Ýorlı Parsons kompanııasynda anyqtady. Tórt sheteldik dıplomyna sáıkes kelmeıtin jumyspen aınalysqan. Taǵy bir jaǵdaıda, shetel azamaty ruqsaty joq bola tura bas dırektordyń laýazymyn atqarǵan. Olarǵa ÁQtK buzǵany úshin 4,5 mln teńgeden astam aıyppul salyndy», - dep habarlady ÓKQ brıfınginde oblystyń memlekettik eńbek ınspektsııasy basqarmasynyń basshysy Igilik Áýbákirov.

Onyń aıtýynsha, basqa kompanııalarda da qosymsha tekserý júrip jatyr. Tekserý barysynda jumysqa alǵan kezde zań buzǵany úshin Qazaqstannan ketetin taǵy alty sheteldik anyqtaldy.