Atyraýda sheteldik stýdentter bes tildi úırenedi
Ýıversıtet rektory Salamat Idrısovtiń aıtýynsha, bul bastamany iske asyrýǵa atyraýlyq erikti stýdentter tartylǵan.
«Atyraý oblystyq ákimdigi ýnıversıtettiń jańa bastamasyna qoldaý bildirdi. Sheteldik stýdentter úshin ashylǵan kýrsta qazaq, aǵylshyn, orys, túrik jáne qytaı tilin úıretý kózdelip otyr. Buǵan Kaspıı óńiri elderindegi joǵary oqý oryndarynyń mamandary da atsalysady. Basty maqsat – Qazaqstan Respýblıkasynyń Prezıdenti Qasym-Jomart Toqaevtyń qazaq tilin ultaralyq qatynas tili deńgeıine kóterý tapsyrmasyna úles qosý. Ásirese, sheteldik stýdentterdiń qazaq tilin tereń meńgerýine de jol ashylady», - deıdi Salamat Idrısov.
Rektordyń málimetinshe, qazir atalǵan ýnıversıtette 200-den astam sheteldik stýdent oqıdy. Olardyń bsym bóligi – Reseı Federatsııasyndaǵy Astrahan oblysynyń turǵyndary.
Al, oblystyq Tilderdi damytý basqarmasynyń basshysy Ásııa Qystaýbaevanyń pikirinshe, ákimdik tarapynan qazaq tiliniń halyqaralyq qatynas tili retinde qanat jaıýyna qoldaý kórsetiledi.
«Bul bastama shetelde turatyn qandastarymyzdyń da qazaq tilin meńgerýine septigin tıgizedi. Osy oblystyq tilderdi damytý basqarmasy atalǵan kýrsta qolǵa alynǵan tájirıbe negizinde ádistemelik quraldar jasaqtaıdy. Mundaı talap 2025 jylǵa deıingi kezeńdi qamtıtyn Tildi damytý memlekettik baǵdarlamasynda aıqyn kórinis tapqan», - deıdi Qystaýbaeva.