Atyraýda saýda jáne oıyn-saýyq ortalyqtary senbi, jeksenbi jumys istemeıdi

ATYRAÝ. QazAqparat – Atyraý oblysynda karantın sharalary qaıta kúsheıtildi, dep habarlaıdy QazAqparat.

Bul týraly Atyraý oblysynyń bas memlekettik sanıtarııa dárigeriniń orynbasary Á. Bekeshevanyń jańa qaýlysynda aıtylǵan.

«Atyraý oblysynyń aýmaǵynda epıdemıologııalyq jaǵdaı turaqtalǵanǵa deıin sharýashylyq jáne (nemese) ózge de qyzmetpen jáne halyqtyń tynys-tirshiliginiń erekshe jaǵdaılarymen shekteý sharalary engizilsin. Menshik nysanyna qaramastan uıymdar, kásiporyndar, sýbektiler Atyraý oblysynyń turǵyndary arasynda koronavırýstyq ınfektsııanyń taralýyn boldyrmaý maqsatynda Ashyq mobıldi qosymshasyn engizsin jáne paıdalansyn» delingen qujatta.

Sondaı-aq, qaýlyǵa sáıkes, saýda úıleri men saýda-oıyn-saýyq ortalyqtary (pavılondar, býtıkter), saýda jelileriniń kún saıynǵy jumys kestesi saǵat 10:00-den 15:00-ge, al, Ashyq jobasyna qatysatyn nysandar saǵat 10:00-den 17:00-ge deıin shektelgen.

Bul nysandardyń senbi, jeksenbi kúnderi jumys isteýine tyıym salynǵan.

Jańa qaýly 27 shilde saǵat 00:00-den bastap kúshine enedi.

Eske sala ketelik, budan buryn Atyraýda jańa qaýlyǵa sáıkes qandaı shekteýler engizilgenin habarlaǵan edik.