Atyraýda sapasyz joldy jóndeýge 11 mln teńge jumsaldy
03:38, 01 Aqpan 2021
ATYRAÝ. QazAqparat – Atyraý oblysynda sapasyz joldy jóndeýge 11 mln teńge jumsaldy, dep habarlaıdy QazAqparat.
«Ulttyq jol aktıvteri sapasy ortalyǵy» RMK Atyraý oblystyq fılıalynyń baspasóz qyzmetinen málim etkendeı, byltyr óńirdegi respýblıkalyq mańyzdaǵy avtojoldarǵa 626 ret tekseris júrgizilgen.
Jol qurylysy materıaldarynan 526 márte synama alyndy.
Onyń qorytyndysymen 9 synamanyń standarttarǵa sáıkes emestigi, sondaı-aq, 115 túrli kemshilik anyqtaldy.
Kemshilikterdy joıý úshin jol jabyndysy aýystyrylyp, jalpy quny 11 mln 236 myń teńgeniń jumysy oryndaldy.
«Qazir óńirlik fılıal qysqy maýsymda respýblıkalyq joldarda taıǵaqqa qarsy, sondaı-aq, «Atyraý-Reseı Federatsııasynyń shekarasy» baǵytyndaǵy avtomobıl jolyn qaıta jańǵyrtýǵa paıdalanylatyn materıaldar sapasyn tekserý jumystaryn júrgizýde» dep habarlady fılıaldyń baspasóz qyzmetinen.