Atyraýda sábıin jylý qubyrynyń ústine tastap ketken ana sottaldy
Bul oqıǵa Atyraýda bıylǵy qysta bolǵan. Batys Qazaqstan oblysynyń 21 jastaǵy turǵyny jańa týǵan sábıin jylý qubyrynyń ústine tastap ketken. Qaqaǵan qysta dalada qalǵan sábıdiń jylaǵan daýsyn kóp qabatty úıdiń turǵyny estip, jedel járdem shaqyrǵan. Dárigerler júrek soǵysy tómendegen sábıdi aman alyp qaldy. Al, polıtsııa qyzmetkerleri «kókek» anany 3 kúnnen soń ustaǵan edi.
«Sottalýshyǵa QR Qylmystyq Kodekstiń 119-baby, 2-bóligimen (Kómeksiz qaldyrylǵan adamnyń densaýlyǵyna abaısyzda aýyr nemese aýyrlyǵy ortasha zııan keltirýge ákep soqqan qaýipti jaǵdaıda qaldyrý) aıyp taǵyldy. Aıyptalýshy óziniń jasaǵan áreketin tolyq moıyndap, protsesýaldyq kelisim jasaý jóninde usynys bildirdi. Sot ony kináli dep tanyp, 1 jyl merzimge bas bostandyǵyn shekteý jazasyn taǵaıyndady» -dep Atyraý oblystyq sotynyń baspasóz qyzmeti.