Atyraýda sabaqty offlaın ótkizýge tyıym salyndy
Bul týraly Atyraý oblysynyń bas memlekettik sanıtarııalyq dárigeri Mádenıet Tanaýovtyń jańa qaýlysynda aıtylǵan.
«Tehnıkalyq jáne kásiptik, orta bilimnen keıingi bilim berý jáne joǵary jáne joǵary bilimnen keıingi bilim berý uıymdarynda, jalpy bilim beretin mektepterde mektepaldy daıarlyq synyptary oqýshylaryn, 1-den 5-synypqa deıin qosa alǵanda, halyqaralyq mektepterde 1-den 7-synypqa deıin qosa alǵanda aralas formatta offlaın oqytýǵa tyıym salynsyn», delingen qujatta.
Sondaı-aq, dástúrli formattaǵy kontıngenti 300 oqýshyǵa deıingi qalalyq jáne aýyldyq mektepterde synyptardaǵy balalar sanyn 15 adamǵa deıin, oqý bitiretin synyptar (9, 11 (12) synyptar) úshin aptanyń 6 kúni ishinde: pánderdiń 70%-yn shtattyq rejımde, 30%-yn qashyqtan aralas formatta oqytý (synypta 15 adamnan asyrmaı, «1 synyp – 1 kabınet» qaǵıdaty boıynsha oqytý, sanıtarııalyq-dezınfektsııalyq jáne betperde kııý rejımin saqtaý) usynylyp otyr.
Jańa qaýly 2021 jylǵy 17 sáýirde saǵat 00:00-den bastap zańdy kúshine enedi.
Eske sala ketelik, budan buryn Atyraýda bir synypta 25 oqýshynyń sabaqqa qatysýyna ruqsat berilgen bolatyn.