Atyraýda sabaqty erekshe kóńildi ótkizetin muǵalim turady
21:11, 26 Qazan 2022
ATYRAÝ. QazAqparat - Ár sabaǵyn erekshe etip ótkizetin atyraýlyq ustaz kópshilik nazaryna ilikti. Búginde onyń «Tik-Tok» áleýmettik jelisine jarııalaǵan qyzyqty sabaqtary men sergitý sátteri týraly vıdeolary myńdaǵan oqyrmannyń kózaıymyna aınalǵan, dep habarlaıdy QazAqparat.
Islam Qadyrov - Atyraý qalasyndaǵy № 41 mektep- gımnazııasynyń aǵylshyn tili pániniń muǵalimi.
«Maqsatym – balalarǵa ózge tildi ońaı meńgertý. Ol úshin jan-jaqty izdenip, erkin formatta sabaqtar ótkizip kelemin» – deıdi jańashyl ustaz.
Islamnyń «Tik-Tok»-taǵy negizgi kontenti ata-analar men oqýshylar. Elimizdiń túkpir-túkpirinen oqyrmandary bar.
«9 synypqa jetekshilik etetin ustaz balalarmen birdeı deńgeıde áńgimelesip, tárbıe men bilimdi ushtastyryp qyzmet etý basty ustanymym» – deıdi ol.