Atyraýda Rýxanı kelisim kúni toılandy
Merekege oraı ótkiziletin saltanatty jıynǵa oblys ákimi Amandyq Batalov qatysyp, aımaq turǵyndaryn quttyqtady.
«Keńes úkimeti taraǵannan keıin, 90-shy jyldardyń bas jaǵynda, keıbir mamandar Qazaqstannyń bolashaǵy joq degen uıǵarymǵa keldi. Sebebi, Qazaqstanda kóp ult ómir súredi, olardyń ustanǵan dinderi ártúrli, sondyqtan memleket eldigin saqtaı almaıdy dep boljady. Biraq Qazaqstannyń tuńǵysh prezıdenti Nursultan Ábishulynyń sarabdal saıasatynyń nátıjesinde bul pikir joqqa shyqty. Elimiz kerisinshe tatýlyq pen berekeniń sımvolyna aınaldy. Birligi bekem, bolashaǵyna sengen iri memleketke aınaldy», - dedi Nurlan Noǵaev.
Shara barysynda elimizdiń rýhanı kelisimin nyǵaıtýǵa eleýli úles qosqan birqatar azamattar Atyraý oblysy ákiminiń Alǵys hatymen marapattaldy. Olardyń ishinde Aqsaqaldar keńesiniń múshesi Súıinǵalıev Ǵızat, Rımdik-Katolıktik Atyraý apostol Ákimshiliginiń Apostol ákimshisi Darıýsh Býras, «Vaınah» sheshen-ıngýshtyq etnomádenı birlestiginiń múshesi Zýbarıev Zelımhan, «Prıkaspııskaıa kommýna» saıası-qoǵamdyq gazetin qıyn jyldarynda redaktsııaǵa basshylyq etken Monastyrskaıa Lıýbov bar.
Aıta ketelik, bul merekeni toılaý 1992 jyly qazanda Almaty qalasynda ótken І álemdik Rýhanı kelisim kongresinde usynylǵan. Kongreske qatysýshylar 18 qazandy rýhanı kelisim kúni - qaqtyǵystar men janjaldarǵa toqtam salý, tatýlyq izdeý, jaqynǵa qaıyrymdylyq jáne kómek kúni dep jarııalaý týraly manıfest qabyldady. 1992 jyldan bastap bul kún Qazaqstanda ataýly kún retinde atap ótiledi.