Atyraýda ruqsatsyz jumys istegen 19 sheteldikke 86 myń teńgeden aıyppul salyndy
Mahambet aýdandyq sotynda sheteldikter tarapynan ákimshilik quqyq buzýshylyqqa qatysty 19 ákimshilik is qaraldy. Ózbekstan Respýblıkasynyń azamattaryna QR Ákimshilik quqyq buzýshylyq týraly Kodeksiniń 517-babynyń 5-bóligimen ákimshilik aıyp taǵylǵan.
«Sot anyqtaǵanyndaı, Ózbekstan Respýblıkasynyń azamattary jergilikti atqarýshy organnan eńbek qyzmetin júzege asyrýǵa ruqsat almastan Mahambet aýdanynda qurylysta, sharýa qojalyǵynda, kólik jóndeý ortalyǵynda, ashanalarda jumys istegen. Ózbekstan Respýblıkasynyń 19 azamaty kináli dep tanyldy. Sot qaýlysymen sheteldikterdiń árqaısysyna 86 myń 250 teńgeden ákimshilik aıyppul salyndy», -dep habarlady Mahambet aýdandyq sotynan.
Sot qaýlylary zańdy kúshine endi.
Eske sala ketelik, buǵan deıin Atyraýda el aýmaǵyna zańsyz kelgen sheteldik 6 aıǵa sottalǵanyn jazǵan bolatynbyz.
Ózbekstan Respýblıkasynyń 44 jastaǵy azamaty jeke basyn kýálandyratyn qujatsyz Qazaqstan Respýblıkasynyń memlekettik shekarasynan zańsyz ótken belgili boldy. Onyń buryn el aýmaǵynan 5 jylǵa tysqary shyǵarylǵany anyqtaldy.
Zań talabyn sheteldikke qatysty QR Qylmystyq kodeksiniń 392-babymen qylmystyq is qozǵaldy. Qurmanǵazy aýdandyq sotynyń úkimimen Ózbekstan Respýblıkasynyń azamaty kináli dep tanylyp, 6 aı merzimge bas bostandyǵynan aıyryldy. Sheteldikke el aýmaǵyna 5 jyl merzimge kelýge tyıym salyndy.