Atyraýda «Rýhanı jańǵyrý» baǵdarlamasy aıasynda 6000 adam kitap syılady

ASTANA. QazAqparat - «Rýhanı jańǵyrý» baǵdarlamasy aıasynda Atyraý oblysynda «Qadirli syılyq» jobasynyń tusaýy kesildi, dep habarlaıdy QazAqparat.

Jobanyń maqsatyna oraı mektep kitaphanasyna erikti túrde kitap syılaý aktsııa¬sy uıymdastyryldy.

Oblystyń 192 jalpy orta bilim beretin uıymdary, 25 kásiptik jáne tehnıkalyq bilim berý uıymdarynda atalǵan aktsııa biraýyzdan qabyl alynyp, saltanatty túrde uıymdastyrylǵan shara oqýshylar men stýdentterdiń erekshe yqylasyna ıe boldy.

Shara Atyraý qalasynyń Saryqamys yqsham aýdanynda ornalasqan №33 orta mektepte erekshe jaǵdaıda atalyp ótti. Sharaǵa Saryqamys aýylynyń kónekóz qarııalary, ata-analar, kásipkerler, H.Dosmuhamedov atyndaǵy Atyraý memlekettik ýnıversıtetiniń ǵalymdary, oblystyq ákimshiliktiń, bilim basqarmasynyń mamandary qatysty.

Atyraý óńirlik «Rýhanı jańǵyrý» jobalyq keńsesi, H.Dosmuhamedov atyndaǵy Atyraý memlekettik ýnıversıteti, ata-analar, pedagogtar men kásipkerler mektep kitaphanasyna qyzyqty kitaptar syılady.

Jalpy alǵanda oblys kólemindegi sharalarǵa 6000 adam qatysty. Onyń ishinde ata-analar, pedagogtar, oqýshylar men stýdent jastar.