Atyraýda respýblıkalyq aqyndar aıtysy ótip jatyr

ATYRAÝ. QazAqparat - Atyraýda aqyn Farıza Ońǵarsynovanyń 80 jyldyǵyna oraı «Jyr juldyzy - Farıza» atty respýblıkalyq aqyndar aıtysy bastaldy, dep habarlaıdy QazAqparat tilshisi.

Atyraý oblysy ákimdiginiń qoldaýymen uıymdastyrylyp otyrǵan aıtysqa elimizdiń barlyq óńirinen 22 aqyn keldi.

Sharaǵa arnaıy qatysqan Atyraý oblysy ákiminiń birinshi orynbasary Serik Shapkenov oblys ákimi Nurlan Noǵaevtyń atynan quttyqtap, aqyndarǵa sáttilik tiledi.

«Ómirin óleńge arnap, ǵumyryn jyrmen kórkemdegen jerles apamyzdyń qurmetine Atyraý oblysynyń ákimdigi aptalyq ótkizýde. Keshe aqyn apamyzǵa arnalǵan konferentsııa ótti. Sondaı-aq, óleń-jyr baıqaýlaryn, spektaklder ótkizý josparlanýda. Tek osy sharalarmen shektelmeı, aldaǵy kúnderi de aýqymdy sharalar ótedi», - deıdi Serik Shapkenov.