Atyraýda Reseımen shekaralas aýdanda 25 mlrd teńgeniń jobasy iske asyrylyp jatyr
Elimizdiń batys qaqpasyndaǵy Qurmanǵazy aýdany Reseı Federatsııasynyń Astrahan oblysymen shekarada ornalasqan. Bul aýdandaǵy turǵyndardyń sany 59 811 adamdy quraıdy. Aýdannyń 19 aýyldyq okrýginde 49 eldi meken bar.
«Shekaraǵa jaqyn ornalasqan aýdandaǵy turǵyndardyń jaǵdaıyn jaqsartý – burynnan qalyptasqan daǵdy. Reseımen shekaradaǵy Qurmanǵazy aýdanynda oń sheshimin tıis máseleler bar. Ásirese, oblys pen aýdan ortalyǵynan shalǵaıda jatqan Azǵyr óńirinde jol jaǵdaıy óte qıyn. Ózim de sol jolmen júrip óttim. Qazir jol jóndeý jumystary jalǵasyp jatyr. Baıda jáne Aqkól okrýgterine qatynaıtyn joldy jóndeý qolǵa alyndy. Budan basqa 5-6 eldi mekenge aýyz sý jelisi tartylyp, sý tazartý stansalary qondyrylyp jatyr. Eldi mekenderdegi tozyǵy jetken elektr jelisi jańartylyp, Shora ózenniń ústinen jaıaý júrginshiler kópiri salyna bastady. Osyndaı 20-ǵa jýyq jobaǵa 25 mlrd teńge bólindi», -deıdi oblys ákimi Mahambet Dosmuhambetov.
Eske sala ketelik, budan buryn Atyraý oblysynda 26 myńnan astam kásipkerlik nysanyn
áıelder basqaratynyn habarlaǵan edik.