Atyraýda psıhotropty dári-dármek satqan erli-zaıypty ustaldy
Oblystyq polıtsııa departamentiniń baspasóz qyzmetinen málim etkendeı, psıhotropty dári-dármek satqan erli-zaıypty búgin, 10 qazanda ustalǵan.
«Búgin saǵat 16:00 shamasynda esirtki qylmysyna qarsy is-qımyl basqarmasynyń qyzmetkerleri men №1 qalalyq polıtsııa bóliminiń qyzmetkerleri «Qarasora-2022», «Refleks-2022» jedel-profılaktıkalyq sharasyn júrgizdi. Onyń kezinde páterde áseri qatty dári-dármek satýmen aınalysqan 1982 jylǵy áıel adam men 1987 jylǵy er adamdy anyqtap, ustady. Erli-zaıyptynyń páterinen qatań túrde dáriger belgilegen retseptimen ǵana beriletin 171 tramadol, 97 tropıkamıd dári-dármegi tárkilendi. Kúdikti áıel adam buryn da dál osyndaı quqyqbuzýshylyq áreketi úshin jaýapkershilikke tartylǵan. Qazir kúdiktilerge qatysty is-qujattar jınaqtalyp jatyr», -dep málim etti departamenttiń baspasóz qyzmetinen.
Belgili bolǵandaı, atyraýlyq polıtseıler jyl basynan beri zańsyz psıhotropty dári satýmen aınalysqan 20 kúdikti anyqtalǵan.
Polıtseıler osyǵan baılanysty oblys turǵyndarynan zańsyz psıhotropty dári satqan adamdar týraly 102 operatoryna habarlaýdy surap otyr.
Eske sala ketelik, budan buryn Atyraý oblysynda qaraýsyz maldyń kesirinen 76 jol-kólik oqıǵasy tirkelgenin habarlaǵan bolatynbyz.