Atyraýda prokýrorlardyń mobıldi toby kásipkerlerdiń quqyǵyn qorǵaıtyn bolady

ATYRAÝ. QazAqparat – Atyraýda prokýrorlardyń mobıldi toby bıznes quqyǵyn qorǵaıtyn bolady, dep habarlaıdy «QazAqparat» HAA tilshisi.

Atyraý oblysy prokýratýrasynyń baspasóz qyzmeti prokýratýra janynan mobıldi top qurylǵany týraly habarlady. Mobıldi topty qurý maqsaty – kásipkerlerdiń bıznesterin damytýǵa kedergi keltiretini, olardyń quqyqtaryn ártúrli organdar buzǵany týraly shaǵyn jáne orta bıznes ókilderinen keletin habarlamalarǵa jedel áreket etý.

«Telefon arqyly negizsiz tekserýler týraly habarlaýǵa bolady. Mundaı ótinishter prokýrorlarǵa kórsetilgen mekenjaıǵa barý úshin jetkilikti», - dep habarlady oblystyq prokýratýranyń baspasóz qyzmeti.