Atyraýda prokýror atyshýly jol apatyn tergeýdi óz baqylaýyna aldy

ATYRAÝ. QazAqparat – Prokýror Atyraýdaǵy atyshýly jol apatyn tergeýdi óz baqylaýyna aldy, dep habarlaıdy QazAqparat tilshisi.

Atyraýda tańǵy saǵat 09:30-da Baımuhanov kóshesinde jol apaty bolyp, jaıaý júrginshi qaza tapty. «Toıota Kamrı» kóliginiń júrgizýshisi jaıaý júrginshiler jolaǵynan ótip bara jatqan 17 jastaǵy kolledj stýdentin qaǵyp ketti. Jigit oqıǵa ornynda qaza tapty. Jol-kólik oqıǵasy áleýmettik jelilerde qyzý talqylanyp jatyr.

«Qazirgi ýaqytta tergeý organy birqatar sot saraptamasyn júrgizip jatyr. Prokýratýra qajetti tergeý áreketterin júrgizý týraly jazbasha tapsyrma berdi. Tergeýdi oblys prokýrory jiti baqylaýǵa aldy», - dep habarlady Atyraý oblystyq prokýrorynyń aǵa kómekshisi Qanat Qabdolov.

Budan buryn habarlanǵandaı, jaıaý júrginshini qaqqan júrgizýshi ýaqytsha ustaý oqshaýlaǵyshyna qamaldy.