Atyraýda perınataldyq ortalyqtyń 28 dárigeri jumystan shyqty

ATYRAÝ. QazAqparat – Atyraýda perınataldyq ortalyqtyń 28 dárigeriniń jumystan shyǵý týraly ótinishine qol qoıyldy, dep habarlaıdy QazAqparat tilshisi.

«Óz erkimen jumystan bosý týraly barlyǵy 31 dáriger ótinish bildirgen edi. Úsh dáriger óz ótinishin qaıtaryp aldy. 28 adamdy jumystan bosatý týraly buıryqqa qol qoıyldy. Biraq, olar 7 qarashaǵa deıin jumys isteıtin bolady», - dep habarlaıdy oblystyq densaýlyq saqtaý basqarmasy basshysynyń mindetin atqarýshy Gúlnafıs Tanbaeva.

Onyń aıtýynsha, dárigerlerdiń jumystan shyǵýy perınataldyq ortalyqtyń jumysyna keri áser etpeýi tıis.

«Bizdiń oblystyń gınekologııa qyzmetine kómek kórsetý týraly basqa óńirlerdegi áriptesterimizben kelisim jasalǵan. Qalada qazir mamandar jumys istep jatyr. Taǵy da dárigerler toby kelýi múmkin. Basqa da sharalar qoldanylyp jatyr», - dedi Gúlnafıs Tanbaeva.

Eske salaıyq, Atyraý oblystyq perınataldyq ortalyǵynyń qyzmetkerleri, atap aıtqanda bas dáriger men akýsher jańa týǵan sábıdi ádeıi qutqarmady degen kúdikke ilindi. Olar óz erkimen jumystan bosatý týraly ótinish jazyp, keıin Prezıdentke hat joldady.

Avtor: A. Sokolov