Atyraýda patrýldik-polıtsııa rotasynyń komandıri qyzmetkerlerinen aqsha bopsalaǵan
11:10, 27 Tamyz 2020
ATYRAÝ. QazAqparat - Atyraýda patrýldik-polıtsııa rotasynyń komandıri qyzmetkerlerinen aqsha bopsalaǵan, dep habarlaıdy QazAqparat Qazaqstan Respýblıkasy Sybaılas jemqorlyqqa qarsy is-qımyl agenttiginiń Atyraý oblysy boıynsha departamentiniń málimetterine silteme jasap.
Baspasóz qyzmetiniń málimetterine qaraǵanda, Atyraý oblysy Polıtsııa departamentiniń patrýldik-polıtsııa rotasynyń komandıri M. qyzmeti boıynsha «qamqorlyǵy» úshin 5 000-nan 70 000 teńgege deıingi mólsherde qaramaǵyndaǵy qyzmetkerlerden bopsalaý jolymen júıeli negizde para alyp kelgen degen fakti boıynsha qylmystyq is tergelýde.
«Sot azamat M.-dy «qamaýda ustaý» túrindegi bultartpaý sharasyna sanktsııa berdi. Qazirgi ýaqytta atalǵan isti tergeý áreketteri júrip jatyr»,-delingen habarlamada.