Atyraýda Parlament Májilisiniń depýtattyǵyna 20 kandıdat usynyldy
Atyraý oblystyq aýmaqtyq saılaý komıssııasynyń málimetine súıensek, aldaǵy saılaýda Parlament Májilisiniń depýtatyna birmandattyq saılaý okrýginen 1, al, ár deńgeıdegi 9 máslıhatqa 140 depýtat saılanady.
«Atyraý oblysynda Parlament Májilisi jáne máslıhat saılaýyna usynylǵan barlyq kandıdattyń sany – 496. Parlament Májilisi depýtatyn saılaý jónindegi №13 birmandattyq saılaý okrýgine 20 kandıdat usynyldy. Onyń ishinde ózin-zi usynǵan 16 kandıdat bar. Tórt kandıdat – Amanat, Aqjol, Aýyl, JSDP partııalarynyń ókilderi», -dep habarlady aýmaqtyq saılaý komıssııasynan.
Parlament Májilisiniń depýtattyǵyna ózin-ózi usynǵan kandıdattardyń arasynda bir zeınetker men 3 jumyssyz bar.
Kandıdattardyń basym bóligi basshylyq qyzmette isteıdi.
Kandıdattardyń bireýi buryn Parlament Senatynyń, taǵy bireýi Parlament Májilisiniń depýtaty bolǵan.
Ekeýiniń mamandyǵy – zańger, qazirgi ál-Farabı atyndaǵy QazUÝ-diń túlegi. Burynǵy depýtattardyń ekeýi de ózin-ózi usynǵan.
Kandıdattardyń arasynda Atyraý qalasynyń burynǵy ákimi de bar. Ol da ózin-ózi usynyp otyr.
Eske sala ketelik, buǵan deıin budan buryn Atyraý oblysynda ár deńgeıdegi máslıhattarǵa 140 depýtat saılanatynyn habarlaǵan edik.
«Atyraý oblystyq máslıhatynyń 30 depýtatynyń 50% (15 depýtat) majorıtarlyq júıe boıynsha, 50% (15 depýtat) partııalyq tizimdermen saılanady. Al, Atyraý qalalyq máslıhatynyń 25 depýtaty, aýdandardyń máslıhattarynyń 85 depýtattary tolyqtaı majorıtarlyq júıemen saılanady», -dep habarlaǵan edi aýmaqtyq saılaý komıssııasynan.