Atyraýda para alǵan eńbek ınspektory 3,5 jylǵa sottaldy
Atyraý qalasynyń №2 sotynda para alý faktisi boıynsha eńbek ınspektoryna qatysty qylmystyq is qaraldy.
Sot otyrysynda mynadaı jaıt anyqtalǵan. Atyraý oblysynyń memlekettik eńbek ınspektsııasynyń ınspektory B. komıssııa tóraǵasy retinde JShS-niń qyzmetkeri ushyraǵan jazataıym oqıǵaǵa qatysty arnaıy tekserý júrgizgen.
«2021 jylǵy 24 qarashada B. JShS dırektorynyń orynbasaryn ózine shaqyryp, tekserý nátıjeleri boıynsha JShS kináli ekenin, qylmystyq jaýapkershilikke tartý úshin qujattardy polıtsııaǵa jiberetinin aıtqan. Ony jaýaptylyqtan bosatý úshin para retinde 1 500 000 teńge suraǵan. Sybaılas jemqorlyqqa qarsy qyzmettiń qyzmetkerleri eńbek ınspektory B.-ny 2021 jylǵy 25 qarashada óziniń jumys ornynda aqsha alý kezinde ustaǵan», - dep habarlady №2 sottyń baspasóz qyzmeti.
Kórsetilgen mán-jaılar men sottalýshynyń kinási jábirlenýshiniń, kýálardyń aıǵaqtarymen, jedel tergeý áreketteriniń nátıjelerimen, beınekameralardyń jazbalarymen, sot saraptamalarynyń qorytyndylarymen dálelin tapty.
Osyǵan baılanysty sot B.-ny QR Qylmystyq kodeksi 366-babynyń 2-bóligimen kináli dep tanydy.
Sot jazany jeńildetetin jaǵdaı retinde sottalýshynyń jas balalary baryn eskere otyryp, B.-ǵa 3 jyl 6 aı merzimge bas bostandyǵynan aıyrý jazasyn taǵaıyndady. Sottalýshy ómir boıyna memlekettik qyzmette jumys isteý quqyǵynan aıyryldy.
Sot úkimi zańdy kúshine engen joq.
Eske sala ketelik, buǵan deıin Baqytgúl Hamenovaǵa qatysty sot otyrysy 11 tamyzǵa aýystyrylǵanyn jazǵan bolatynbyz.