Atyraýda ózge mektepke aýysqan oqýshylar sabaqty 35 mınýttan oqıdy

ATYRAÝ. QazAqparat – Atyraýda №30 mektep-gımnazııanyń 2075 oqýshysy bilimin jalǵastyrý úshin ýaqytsha №20 mektep pen kolledj ǵımarattaryna aýystyryldy. Bastaýysh synyptyń oqýshylary sabaqty 35 mınýttan oqıdy, dep habarlaıdy QazAqparat tilshisi.

Mundaı sheshim №30 mektep-gımnazııanyń tóbesinen sýdyń aǵýynan qabyldanyp otyr. Sonyń saldarynan tóbedegi gıpsakarton japsyrmalary túsip qalǵan.

Atyraý oblystyq Bilim basqarmasynyń málimetinshe, bul mekteptiń oqýshylaryn basqa bilim ordalarynda oqytý máselesi túgeldeı oń sheshimin tapqan.

«Qazaq jáne orys tilderinde oqıtyn 1-4 synyptardaǵy 884 oqýshyny «Turǵyn úı qalashyǵy» shaǵynaýdanyndaǵy №20 mektep-lıtseıge aýystyrý týraly sheshim qabyldandy. Basqa synyptardaǵy oqýshylardy da basqa bilim ordasyna ornalastyrý máselesi sheshimin tapty. Máselen, 5-11 qazaq synyptarynyń oqýshylary Energetıka jáne qurylys kolledjiniń ǵımaratyna oqýǵa aýysady. Al 5-11 orys synyptarynyń oqýshylary Kólik jáne kommýnıkatsııa kolledjinde oqıtyn bolady», -dep habarlady basqarmanyń baspasóz qyzmeti.

Bul kolledjderdiń ǵımarattary «Avangard» shaǵynaýdanyndaǵy №30 mektep-gımnazııaǵa jaqyn ornalasqan. Al №20 mektepte oqýǵa aýystyrylǵan bastaýysh synyptardyń oqýshylaryna arnalǵan sabaq kestesi túzilip jatyr.

Oqýshylardy ystyq tamaqpen qamtý máselesi sheshimin tabady. Mektepte oqý úsh aýysymda júrgizilip, sabaqtar 35 mınýtqa deıin qysqarady.

Jobaǵa sáıkes №20 mekteptiń ǵımaraty 1604 oqýshyǵa eseptelgen. Qazir munda 2488 oqýshy bilim alyp júr.

Eske sala ketelik, budan buryn Atyraýda tóbesinen sý aqqan mekteptiń oqýshylary ózge bilim ordasyna aýystyrylatynyn jazǵan edik.