Atyraýda oıynshyq kólikter jol erejesin buzdy

ATYRAÝ. QazAqparat - Áleýmettik jelide oıynshyq arbalardyń Atyraý qalasynyń ortalyǵynda kólik jolynda júrgen vıdeosy tarady, dep habarlaıdy QazAqparat tilshisi.

Atyraý qalalyq polıtsııa basqarmasynan bilgenimizdeı, quqyqbuzýshylyqqa jol bergen turǵyn jaýapqa tartylǵan.

«5 sáýir kúni Taımanov-Qulmanov kósheleriniń qıylysy tusynda oıynshyq arbalar kólik qozǵalysyna kedergi jasap, jol erejesin buzǵany anyqtaldy. Ol boıynsha 2001 jyly týǵan azamat anyqtalyp, oǵan qatysty QR ÁQBtK-niń 615-baby 1-bóligine sáıkes ákimshilik hattama toltyrylyp, jaýapkershilikke tartyldy. Qala turǵyndarynan jol erejesin qatań saqtaýdy suraımyz», - deıdi oblystyq Polıtsııa departamentiniń baspasóz ókili Meıirim Erdáýlet.

Aıta keteıik, buǵan deıin Atyraýda kún raıynyń qolaısyzdyǵynan bir kúnde 24 jol-kólik oqıǵasy tirkelgenin jazǵan edik.