Atyraýda oıyn-saýyq saıabaǵynyń aýmaǵy memleket menshigine qaıtaryldy

ATYRAÝ. QazAqparat - Atyraýda burynǵy «Qııal álemi»  oıyn-saýyq saıabaǵynyń aýmaǵy memleket menshigine qaıtaryldy. Bul týraly búgin halyqqa esep berý jıynynda Atyraý qalasynyń ákimi Serik Shapkenov málim etti, dep habarlaıdy QazAqparat. 

Qala basshysynyń aıtýynsha, bul másele birneshe jyldan beri sheshimin tappaı kelgen.
Saıabaqqa arnalǵan jer basynda bıznes nysany qurylysyna berilgen, biraq ıgerilmegendikten «Jeńis» saıabaǵy janyndaǵy aýmaq memleket menshigine alyndy.
Atyraý qalasynda ótken jyly paıdalanylmaǵan 11, 7 ga jer telimi keri qaıtarylǵan.