Atyraýda otyz adamǵa kredıt aldyryp, 40 mln teńgeni qaltasyna basqan alaıaq ustaldy
Oblystyq polıtsııa departamentiniń baspasóz qyzmetinen málim etkendeı, 30 adamdy aldaǵan 24 jastaǵy alaıaqtyń Mahambet aýdanynda turatyny anyqtalǵan.
«Alaıaqtyq ispen aınalysqan kúdikti 2022 jylǵy jeltoqsannan beri Kaspi Bank jáne Freedom Finance bankten taýarlyq nesıeni aqshalaı alyp, ústine bonýs qosyp beremin dep 30 adamdy aldaǵan. Sóıtip, 40 mln teńgeni ımedenip alǵany anyqtaldy. Qazir alaıaq ustaldy. Qazir kúdikti ýaqytsha ustaý ızolıatoryna qamaýǵa alyndy», -dep habarlady departamenttiń baspasóz qyzmeti.
Polıtsııa qyzmetkerleri qamaýǵa alynǵan kúdiktige qatysty QR Qylmystyq kodeksiniń 190-babynyń 3-bóligimen sotqa deıingi tergep-tekserýdi bastady.
Ózge aqparat QR Qylmystyq-protsestik kodeksiniń 201-babyna sáıkes jarııalanýǵa jatpaıdy.
Eske sala ketelik, buǵan deıin Atyraýda 4 adamdy aldap, 5,4 mln teńgesin ıemdengen alaıaq áıel ustalǵanyn habarlaǵan edik.
Alaıaqtyq kúdigimen ustalǵan 45 jastaǵy áıel qymbat telefon alyp berý úshin birneshe adamdy aldaǵan.
Máselen, Atyraý qalasynyń 1988 jylǵy turǵynynan 6 dana Iphone 13 Pro uıaly telefonyn arzan baǵaǵa alyp berý úshin 2 mln 196 myń teńge, 31 jastaǵy turǵynnan turmystyq tehnıka úshin 1 mln 598 myń 500 teńge, 1995 jylǵy turǵynnan Iphone 13 Pro telefony úshin 498 000 teńge, 2004 jylǵy turǵynnan 3 dana Iphone 13 Pro telefony úshin 1 mln 174 myń teńgeni alaıaqtyq jolmen ıemdenip alǵan.