Atyraýda ótetin jármeńkede 25 sheteldik kompanııa jumys usynady

ATYRAÝ. QazAqparat - Atyraýda ótetin jármeńkede sheteldik 25 kompanııa qyzmetker izdemekshi. Jumyssyz azamattarǵa 300-den astam bos jumys orny usynylady, dep habarlaıdy QazAqparat tilshisi.

Jármeńkeni «Jastar eńbek bırjasy» jobasy aıasynda jastar resýrstyq ortalyǵy ótkizedi. Sharanyń negizgi maqsaty - jastarǵa eńbek naryǵynyń qazirgi ahýaly, jumyskerlerge muqtaj uıymdar men jumysqa ornalasý múmkindikteri týraly tolyq aqparat berý.

«Zaman bir orynda toqtap qalmaıdy. Keı mamandyqtarǵa suranys joq. Jumyssyz jastar mamandyq boıynsha qalaǵan jumys ornyn tappasa da, eńbek naryǵynda suranysqa ıe mamandyqtar týraly tolyq málimet bilip, qaıta oqytýǵa qatysty saýaldarǵa jaýap ala alady», - dedi jastar saıasaty máseleleri jónindegi basqarma basshysy Rollan Quspan.

Bos oryndar jármeńkesi 5 qazan kúni saǵat 10.00-12.00 aralyǵynda «APEC Petrotechnic» kolledjinde ótedi.