Atyraýda Otan qorǵaýshy kúnin merekeleý otshashýmen aıaqtaldy

ATYRAÝ. QazAqparat - Atyraý Otan qorǵaýshy kúnin keńinen atap ótti, merekelik shara keshki otshashýmen aıaqtaldy.

Basty sharalar oblys ortalyǵyndaǵy Isataı men Mahambet atyndaǵy alańda ótti. Túske deıin alańda «Batys» óńirlik qolbasshylyǵynyń áskerı bólimsheleri parad ótkizdi. Áskerı paradqa barlyq ásker túrleri - jaıaý, ishki, motoatqyshtar, UQK shekara qyzmeti, barlaýshylar men baılanysshylar áskerleri qatysty. Oǵan qatysýshylar saptyq sherýdi, áskerı jekpe-jek ónerin kórsetip, keıinen jurtshylyq nazaryna kontsert baǵdarlamasy usynyldy.
 

Merekelik sharalar keshke qaraı kontsertke ulasyp, sońynda otshashý atyldy.