Atyraýda órtengen páterden 57 jastaǵy múgedek azamat qutqaryldy

ATYRAÝ. QazAqparat – Atyraý qalasyndaǵy turǵyn úıde bolǵan órtten múgedek azamat qutqaryldy, dep habarlaıdy QazAqparat.

Oblystyq tótenshe jaǵdaılar departamenti baspasóz qyzmetiniń málimetinshe, órt keshe, 4 shildede Balyqshy móltekaýdanynda bolǵan.

«Dıspetcherlik qyzmet pýltine saǵat 16:08-de Balyqshy móltekaýdanyndaǵy №2 úıde páter balkony janyp jatqany týraly habar tústi. Páterdiń 20 sharshy metrlik balkony men jatyn bólmesin sharpyǵan órtti sóndirýge arnaýly qyzmettiń 9 qyzmetkeri men 2 tehnıkasy jumyldyryldy. Jalyn saǵat 16:20-da aýyzdyqtalyp, 16:28-de tolyq sóndirildi. Órtti sóndirý kezinde 1963 jyly týǵan múgedek er adam qutqaryldy» dep habarlady departamenttiń baspasóz qyzmeti.

Eske sala ketelik, buǵan deıin Atyraýda kólik jóndeý ortalyǵy órtengen edi.