Atyraýda ortalyqtaǵy bir kósheden 250-ge jýyq tal kesiledi
Atyraýda «Atyraýınjstroı» JShS Azattyq dańǵylyn qaıta qurý jobasyna sáıkes 249 taldy kesýdi josparlap otyr.
Osyǵan baılanysty qalalyq turǵyn úı-kommýnaldyq sharýashylyq, jolaýshylar kóligi jáne avtokólik joldary bólimimen kelisim jasalǵan.
«Qala turǵyndary úshin árbir aǵashtyń mańyzdylyǵyn eskerip, kóshelerdi keńeıtý jobalaryn júzege asyrǵanda múmkindiginshe kóp taldy saqtap qalýǵa tyrysamyz. Sol sebepten, tapsyrys berýshimen birge qurylys jumystary júrip jatqan aýmaq jan-jaqty zerdelendi. Soǵan sáıkes, 66 taldy kesip, 15-in tamyrymen kóshirýge sheshim qabyldandy. Tapsyrys berýshiniń qoldaýymen kóp aǵashty kóshirý josparlanǵan edi. Alaıda, buǵan qoldanystaǵy jelilerge ıelik etetin kommýnaldyq mekemeler qarsy. Óıtkeni, kommýnıkatsııalar taldardyń tamyrlaryna jaqyn ornalasqan. Taldardy qazyp alý tehnıkasy negizinde júrgiziletin mehanıkalyq kóshirý jumystary jelilerdiń úzilýine, kommýnaldyq apattarǵa ákelip soqtyrýy múmkin», -dep habarlady kásiporynnyń baspasóz qyzmeti.
Al, qolmen kóshirýge keletin taldardy qazyp alyp, Azattyq dańǵyly boıyndaǵy kórshi aýmaqtarǵa qaıta egý kózdelgen.
Ótken jyly Muhtar Áýezov kóshesindegi aınalma jolynyń alańynan 38 túp tal ózge aýmaqqa aýystyrylǵan.
«Kelisimshartqa sáıkes qosalqy merdiger – KDMS JShS taldardy aýystyrý men jańadan egý jumystaryn júrgizedi. Aldaǵy 2 jyl boıy taldardy baptap, ósýin qadaǵalaıdy. Tapsyrys berýshiniń kelisimimen kesilgen 1 taldyń ornyna jobalyq-smetalyq qujatta kórsetilgendeı 5 tal emes, 10 túp tal egiledi Tapsyrys berýshi abattandyrylatyn aýmaqtardy belgiledi. Soǵan sáıkes, S.Datov kóshesi men Balyqshy shaǵyn aýdanyndaǵy Baıjigitov kóshesiniń boıyndaǵy jaǵalaý aýmaǵy abattandyrylady», -dep málim etti kásporynnyń baspasóz qyzmeti.
Eske sala ketelik, budan buryn Atyraýda jol jóndeýge bıýdjetten 9,7 mlrd teńge bólingenin jazǵan edik.