Atyraýda ortalyq kópir ústinde birneshe kólik soqtyǵysty

ATYRAÝ. QazAqparat – Atyraý qalasynda ortalyq kópir ústinde birneshe kólik soqtyǵysqan jol apaty oryn aldy, dep habarlaıdy QazAqparat.

Oblystyq polıtsııa departamenti baspasóz qyzmetiniń málimetinshe, keleńsiz jaǵdaı keshe, 9 tamyzda ortalyq kópir ústinde bolǵan.

«Jol-kólik oqıǵasyn tekserý kezinde belgili bolǵany, aldymen «Folksvagen Djeta» avtokóliginiń júrgizýshisi tejegishti basqan. Sol kezde oǵan «Lada Granta» markaly avtokóligi soqtyǵysqan. Eki kólik júrgizýshisi materıaldyq shyǵyn bolmaǵandyqtan, oqıǵa ornynan ketip qalǵan. Al, «Mersedes» avtokóligi ózge kólikpen qaqtyǵyspaǵan. «Hıýndaı Santa Fe» avtokóligi «Hıýndaı Aktsent» avtokóligine soqtyǵysyp, bul kólik soqqy ekpinimen aldyndaǵy «Lada Prıora» avtokóligin artynan túıgen», - dep habarlady departamenttiń baspasóz qyzmeti.

Jol-kólik oqıǵasyna oraı «Hıýndaı Santa Fe» avtokóliginiń júrgizýshisine qatysty QR Ákimishilik quqyqbuzýshylyq týraly Kodeksiniń 610-babynyń 1-bóligimen (Kólik quraldary júrgizýshileriniń jol júrisi qaǵıdalaryn adamdardyń densaýlyǵyna

zııan keltirýge, kólik quraldarynyń nemese ózge de múliktiń búlinýine alyp kelgen buzýshylyǵy) ákimshilik hattama toltyrylyp, ákimshilik sotqa joldanǵan.

Eske sala ketelik, budan buryn Atyraýda jol apatynan kámeletke tolmaǵan júrgizýshi

mert bolǵanyn jazǵan edik.