Atyraýda orta mekteptiń dırektorynan týberkýlez derti anyqtaldy
Atyraý qalalyq bilim bóliminiń málimetine qaraǵanda, bul týraly keshe, 18 qańtarda oblystyq sanıtarııalyq-epıdemıologııalyq qadaǵalaý departamentinen anyqtama kelgen.
«Qazir týberkýlez dertine shaldyqqan mektep dırektory densaýlyǵyna baılanysty jumysynan shettetildi. Mektep dırektorymen jumys babynda qarym-qatynasta bolǵan qyzmetkerler medıtsınalyq tekserýden ótkiziledi. Mektep ǵımaratyna tıisti sanıtarııalyq is-sharalary júrgizilip jatyr», -dep habarlady Atyraý qalalyq bilim bóliminen.
Atyraý oblysynyń oqýshylary 200 mektepte dáris alady. Onyń ishinde 199 memlekettik, 11 jeke menshik, qazaq tilinde 138, orys tilinde 4, aralas 58 mektep pen 1 keshki-aýysymdyq bólimshe bar.
Demografııalyq kórsetkishtiń qarqyndy ósýiniń nátıjesinde bilim alýshylar kontıngentiniń ósimi baıqalyp otyr. Máselen, 2015 jyly 109 392 oqýshy bilim alsa, qazir onyń sany 143 481-ge jetken.
Al, ótken oqý jylynda Atyraý mektepterinde zeınettegi 253 muǵalim jumys istegen.
Eske sala ketelik, budan buryn Atyraý oblysynda byltyrǵy 8 aıda 270 adam týberkýlez dertin juqtyrǵanyn habarlaǵan bolatynbyz.
Oblystyq sanıtarııalyq-epıdemıologııalyq baqylaý departamentiniń bas mamany Zýlfııa Qaıredenovanyń málimetinshe, byltyrǵy 8 aıda Atyraý oblysynda týberkýlezben jańadan aýyrǵan 271 naýqas tirkelgen. Al, balalar arasynda týberkýlezben aýyrǵandar 7 jaǵdaıǵa kóbeıdi. Qazir jasóspirimder arasynda 21 naýqas anyqtalǵan.