Atyraýda ónerkásiptik kásiporyndar turǵyndardyń shaǵymynan keıin tekseriledi

ATYRAÝ. QazAqparat - Atyraý turǵyndary qaladaǵy jaǵymsyz ıiske shaǵymdanǵannan keıin birneshe ónerkásiptik kásiporyndardy tekserý bastaldy, dep habarlaıdy «QazAqparat» HAA tilshisi.

«19-22 tamyz kúnderi Atyraý oblysynyń memlekettik ekologııalyq ınspektorlary men zerthana mamandary naqty aýmaq pen aýa sapasyn baqylaý avtomattandyrylǵan stansasynyń kórsetkishterine taldaý júrgizdi. Atyraý oblysyndaǵy «Qazgıdromet» RMK bólimshesinen kelip túsken AMÓZ JShS atmosferalyq aýany baqylaý stantsııasynyń deregi boıynsha, 19-22 tamyz kúnderi Hımposelok, Jılgorodka, Mırnyı, Vodnıkova jáne Balyqshy aýdandaryndaǵy aýanyń quramynda kómirsýtek (SN) kontsentratsııasy tabyldy. Jalpy alǵanda kómirsýtekter atmosferalyq aýaǵa qoıylatyn sanıtarlyq-epıdemıologııalyq talaptarǵa sáıkes, shekteýli ruqsat etilgen kontsentratsııadan aspaıdy», - dep habarlady óńirdiń ekologııa departamentinde.

Sondaı-aq, «Qazgıdromet» RMK deregi boıynsha sol kúnderi jyldamdyǵy 2-10 m/s bolatyn ońtústik jáne ońtústik-shyǵysqa qaraı jel turǵan. Atalmysh baǵytta «AMÓZ» JShS, «Petro Eksport» JShS men «Orgsıntez» JShS-lary ornalasqan.

Qazirgi tańda atalmysh uıymdardy tekserý bastaldy.