Atyraýda oblysynda 99 bala men 22 júkti áıel koronavırýstan emdelýde

ATYRAÝ. QazAqparat – Atyraýda oblysynda koronavırýs ınfektsııasynan 99 bala men 22 júkti áıel emdelip jatyr, dep habarlaıdy QazAqparat.

Oblystyq Densaýlyq saqtaý basqarmasy baspasóz qyzmetiniń aqparatyna qaraǵanda, 22 júkti áıeldiń 12-si ınfektsııalyq statsıonarlarda em-dom qabyldaý úshin oqshaýlandyrylǵan.

«Júkti áıelderdiń 10-y ambýlatorııalyq deńgeıde em alýda. Qazir koronavırýs ınfektsııasyn juqtyrǵan 99 bala bar. Onyń ishinde 2 bala ınfektsııalyq statsıonarda, al 97 bala ambýlatorııalyq emdelýge jiberildi», - dep málim etti basqarmanyń baspasóz qyzmetinen.

Sondaı-aq, ınfektsııalyq statsıonarlardyń jansaqtaý bóliminde jatqan 14 naýqastyń jaǵdaıy aýyr. Jaǵdaıy óte aýyr 3 patsıent ókpeni jasandy jeldetý apparatyna qosylǵan.

Eske salaıyq, budan buryn Atyraý oblysynda koronavırýs juqtyrǵan balalar men júkti áıelder sany artqanyn jazǵan edik.