Atyraýda oblysynda 16 qandas Qazaqstan azamattyǵyn aldy
Atyraý oblystyq polıtsııa departamenti kóshi-qon qyzmeti basqarmasynyń bastyǵy Rýslan Ádilovtiń aıtýynsha, qandastar Reseı Federatsııasy men Ózzbekstan Respýblıkasynan kóship kelgen.
«Elimizde azamattyq alýdyń jeńildetilgen tártibi 2020 jylǵy tamyz aıynan beri qoldanysqa engizildi. Soǵan sáıkes qandastar bir mezgilde Qazaqstan Respýblıkasynyń azamattyǵy jáne turaqty turýǵa yqtııarhat alý úshin qujattar men ótinishti bere alady.
Mundaı qujattar men ótinishti qarastyrý merzimi shamamen úsh aıǵa sozylady. Bıylǵy jyl basynan Reseı Federatsııasy men Ózbekstan Respýblıkasynan kóship kelgen 16 qandas Qazaqstan Respýblıkasynyń azamattyǵyn aldy», -deıdi polıtsııa polkovnıgi
Rýslan Ádilov.
Jeńildetilgen tártippen Qazaqstan Respýblıkasynyń azamattyǵyn ıelengen qandastyń biri – Qýanyshbek Bazarbaev.
«Buryn Ózbekstan Respýblıkasynda turǵan edim. Atajurtymyzǵa kóship kelip, Qazaqstannyń azamaty atandym. Qýanyshymda shek joq. Eldiń azamaty atanǵannan artyq qýanysh bola ma? Qazir jasym – 24-te. Budan bylaı elimizdiń órkendeýine úlesimdi qosýdy maqsat etip otyrmyn. Kóshi-qon qyzmetiniń qyzmetkerleri azamattyq alýdyń jeńildetilgen tártibin túsindirip, qoldaý kórsetkeni úshin alǵys aıtamyn», -deıdi Qýanyshbek Bazarbaev.
Eske sala ketelik, buǵan deıin Atyraý oblysyna bala kezinde kóship kelgen qandasymyz
el azamattyǵyn alǵanyn habarlaǵan bolatynbyz.