Atyraýda «Nurly jer» baǵdarlamasyna bólingen 24 mln teńge jymqyrylǵan

ATYRAÝ. QazAqparat - Bıýdjet qarajatyn jymqyrýdyń taǵy bir deregi Atyraý oblysynda anyqtaldy, dep habarlaıdy QazAqparat.

Qarjy monıtorıngi komıtetiniń Atyraý oblysy boıynsha ekonomıkalyq tergeý departamenti Qylmystyq kodekstiń 190-baby 4-bólimi 2-tarmaǵynda qarastyrylǵan qylmysty jasady degen kúdikpen Atyraý qalasynyń turǵynyn ustady.

Aıyptalýshy Atyraý qalalyq memlekettik kirister basqarmasynda tirkelgen seriktestikte basqarý fýnktsııasyn júzege asyra otyryp, alaıaqtyq jolmen 24,6 mln teńge somasynda bıýdjettik aqsha qarajatyn jymqyrǵan.

Bul qarajat «Nurly jer» memlekettik baǵdarlamasy aıasynda Atyraý qalasynyń aýmaǵynda kóppáterli turǵyn úı qurylysyna bólingen.

Tergeý sharalary jalǵasyp jatyr.