Atyraýda Nurlan Orazalın men Smaǵul Elýbaıdyń shyǵarmashylyq keshi ótti
Shyǵarmashylyq keshke adamdar qarasy kóp jınaldy. Sharany Atyraý oblysynyń əkimi Nurlan Noǵaev ta tamashalady. Kesh barysynda Nurlan Orazalın ədebıetke qatysty əńgimeler men ǵumyrbaıandyq estelikterin aıtty. Elbasynyń "Bolashaqqa baǵdar: rýhanı jańǵyrý" baǵdarlamalyq maqalasy týraly oıymen bólisti.
«Maqala ultty uıystyrýdy maqsat etken jańa tarıhı qujat. "Məńgilik el" ıdeıasyn júzege asyrý arqyly bəsekege qabiletti azamattardy tərbıeleýge aıryqsha kóńil bólinip otyr. Óskeleń urpaqty qazaq halqynyń jalpy ulttyq qundylyqtaryn baǵalaı bilýge tərbıeleý jaıy osy maqalada naqty kórsetilgen»,- dedi Nurlan Orazalın.
Smaǵul Elýbaı da Nurlan Orazalınniń pikirin qýattap, jas urpaqqa Təýelsiz Qazaqstannyń jańa tarıhyn jasaý jaýapkershiligi júktelgenine toqtaldy. Atyraý oblysyna saparlarynda qos qalamger aımaqtaǵy jas ədebıetshilermen de júzdesti.