Atyraýda «Nur Otan» partııasynyń esep berý - saılaý konferentsııasy ótti
Konferentsııa jumysyna «Nur Otan» partııasynyń hatshysy, partııa Saıası keńesiniń múshesi Qanybek Jumashev qatysty. Basqosýda partııa fılıaly Saıası keńesiniń, baqylaý - tekserý komıssııasynyń 2017-2018 jyldary atqarǵan jumystarynyń esebi tyńdaldy. Sonymen qatar, Elbasynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstan halqyna Joldaýynan týyndaıtyn mindetter talqylandy.
Jıynda Qanybek Jumashev «Nur Otan» partııasynyń «Úzdik bastaýysh partııa uıymy» Respýblıkalyq baıqaýynyń atyraýlyq 12 jeńimpazyn marapattady.
«Partııa elimizdiń ishki jáne syrtqy saıasatynyń ornyqty bolýyna, óndirisin órkendetip, aýyl sharýashylyǵyn qarqyndy damytýǵa, shaǵyn jáne orta kásiptiń qanat jaıýy men elimizdiń álem elderi qaýymdastyǵy arasyndaǵy bedelin qalyptastyrýǵa úlken yqpal etýde. Elimizdiń ǵasyrǵa para-par qysqa ýaqytta áleýmettik-ekonomıkalyq turǵydan damýyna jáne ósip-órkendeýine partııa músheleriniń qosqan úlesi zor»,- dep atap ótti partııa hatshysy.
Sonymen qatar, konferentsııada partııanyń Saıası keńes quramy men baqylaý-tekserý komıssııasy quramy saılandy.
Oblys ákimi Nurlan Noǵaev óz baıandamasynda oblysta partııa atqaryp jatqan jumystarǵa toqtalyp ótti.
«Búginde Qazaqstan Respýblıkasy Prezıdentiniń bes áleýmettik bastamasynyń iske asyrylýyn baqylaý jónindegi Atyraý oblystyq Qoǵamdyq keńesi qurylyp, birinshi - tórtinshi bastamalary boıynsha tıisti organdarǵa 23 usynystar ázirlenip, oryndalýy turaqty baqylaýǵa alyndy»,- deıdi aımaq basshysy.
Atyraýda jańǵyrý jumystarynyń negizgi ózegi - partııalyq kadrlardy daıarlaýda polıtologııalyq bilim erekshe nazarǵa alynyp, óńirler boıynsha alǵashqy jáne ázirge dara «Saıasattanýshylar ortalyǵy» quryldy. Ortalyq arqyly saraptama júrgizilip, ıdeologııalyq qyzmet baǵyttary men ádistemelik materıaldar naqtylandy.
Sonymen qatar, oblysta jańa bastamashyl partııalyq jobalar aıasynda «Birlik» BPU-ynyń qoldaýymen «ІT-mamandaryn daıarlaý ortalyǵy» quryldy jáne oblys boıynsha 10 «IT-synyby» boıynsha baǵdarlamalaý men robototehnıka dárisin 752 bala meńgerýde.
Jastar máselesi - partııanyń basty nazarynda. Partııa Tóraǵasynyń tapsyrmasyna sáıkes, mektep túlekterin BPU-dary arqyly jumyspen qamtý jáne oqýǵa tartý sharalary júrgizildi. Memorandýmdar aıasynda «APEC Petrotechnic» joǵary tehnıkalyq kolledjine 350 jas qabyldansa, «Jalyn», «Arnaýly avtobaza», «Kaspıı-Balyq» óndiristik kooperatıvi BPU-darymen 120-dan asa túlek jumysqa qabyldandy
«Partııany jańǵyrtý árbir azamatqa, olardyń jetistikterge jetýine járdemdesedi jáne elimizdiń Úshinshi jańǵyrýynyń dáýirlik mindetterin sheshýge septigin tıgizedi. Elbasy aıqyndap bergen naqty strategııalyq mindetter bar. Strategııalyq maqsattardy Prezıdent belgileıdi, bul ár «Nur Otan» partııasynyń múshesine aýqymdy maqsattar men jaýapkershilik júkteıdi. Partııa Tóraǵasynyń tapsyrmalaryn tabysty júzege asyrý úshin bárimiz jumylyp, ortaq maqsattarǵa birge jetýimiz qajet»,-dedi oblys ákimi Nurlan Noǵaev.