Atyraýda muz astyna túsip ketken balalardyń jaǵdaıy belgili boldy

ATYRAÝ. QazAqparat – Atyraýlyq dárigerler muz astyna túsip ketip, uzaq ýaqyt boıy sýdyń ishinde bolǵan úsh jasóspirimniń jaǵdaıy týraly aıtty, dep habarlaıdy QazAqparat tilshisi.

«Polıtseıler qutqaryp qalǵan jasóspirimder shuǵyl túrde oblystyq balalar aýrýhanasyna jetkizildi. Olardyń jaǵdaıy aýyr bolǵan joq, degenmen, alańdaýshylyq boldy. Balalar muzdaı sýdyń astynda qalyp qoıǵan, salqyn tıgen. Oǵan qosa, eseńgirep qalǵan. Pnevmonııaǵa shaldyǵýy ábden múmkin edi. Biraq, qazir barlyǵy jaqsy. Aǵzalary jas bolǵandyqtan, saýyǵyp kele jatyr. Ómirlerine eshqandaı qaýip joq», - dedi oblystyq balalar aýrýhanasynyń dárigeri Múbárak Sársenov.

Eske salaıyq, qaıǵyly oqıǵa 4 qańtar kúni keshki ýaqytta boldy. Tórt jasóspirim Tomarly kenti mańynda Jaıyq ózeniniń ústinde oınap júrip, muz astyna túsip ketken. Bireýi kóz jumyp, úsheýi aman qaldy. Óz betimen sýdan shyǵa alǵan balalardyń biri oqıǵa týraly habar bergen.

«Kapıtan Qýandyq Súıindikov pen leıtenant Tımýr Balmaǵanbetov habar túskennen keıin kómek kórsetýge barǵan. Olar 2004 jáne 2005 jylǵy balalardy jaǵaǵa shyǵardy. Polıtsııa qyzmetkerleriniń biriniń kıimindegi kameradan polıtseıler ózen ortasynan estilip turǵan balalardyń daýysyna qaraı bara jatqanyn kórýge bolady. Qutqarý kezinde balalardyń aıaq-qolynyń jany ketip qalǵan. Jasóspirimderdiń biri: «Mama, seni jaqsy kóremin» dep qaljyraı aıtyp jatty. Ókinishke oraı, polıtseıler bir balany qutqara almady – ol tártip saqshylary kelgenge deıin sý astyna batyp ketti», - dedi óńirlik Polıtsııa departamentiniń baspasóz qyzmetinen.

Qutqarylǵan úsh jasóspirim oblystyq balalar aýrýhanasyna jetkizildi. 2004 jylǵy balanyń denesi tabyldy, ony súńgýirler sýdan alyp shyqty.

Avtory: A. Sokolov