Atyraýda munaı kólshigi anyqtaldy
Mahambet aýdany ákimi Qaırat Nurlybaev bul munaı aǵyndysynyń Esbol okrýginen 40 shaqyrym qashyqtyqta, dalada oryn alǵanyn rastady.
«Aq Jaıyq» basylymynyń saýalyna oblystyq ekologııa departamenti mynadaı jaýap qaıtarǵan: «2021 jyldyń 13 tamyzynda aýdandyq prokýratýra, ákimshilik, polıtsııa qyzmetkerlerimen birlesip, lastanǵan jerdi anyqtap jáne fondyq topyraqtan taldama jasaýǵa synamalar alynǵan. Nátıjesinde topyraq quramynda munaı ónimderi kóp mólsherde ekeni belgili boldy. Búginde lastanǵan aýmaqtaǵy jer jáne uńǵyma memleket menshiginde».
Sonymen qatar, vedomstvo 2021 jyly lastanǵan aýmaqty tazalaý jáne qorshaý jóninde hat joldaǵan. Ótken jyly da tazartý jóninde hat jiberilgen. Alaıda munaı kólshigi joıylmaǵan. Qazirgi ýaqytta aýmaqty tazartý sharalary qolǵa alynýda.