Atyraýda múmkindigi shekteýli azamat júrgizýshi kýáligin aldy

ATYRAÝ OBLYSY. QazAqparat – Atyraýda múmkindigi shekteýli adam júrgizýshi kýáligin aldy, dep habarlaıdy QazAqparat tilshisi.

«Azamattarǵa arnalǵan úkimet» MK KEAQ atyraýlyq bólimniń baspasóz hatshysy Nurlybek Baqtyǵalıulynyń aıtýynsha, birinshi toptaǵy múgedek Keńes Qonıev qolmen basqarylatyn avtokólikpen kólik júrgizý emtıhanyn sátti tapsyrdy. Buǵan deıin ol teorııalyq emtıhan tapsyrǵan.

«Keńes óte belsendi adam. Ol 2006 jyly jaraqat aldy, biraq sportpen turaqty túrde aınalysady. Ol paralımpıadashylar arasynda ústel tennısinen halyqaralyq dárejedegi sport sheberi jáne Qazaqstan chempıony», - dep atap ótti Nurlybek Baqtyǵalıuly.

Múmkindigi shekteýli jandarǵa arnalǵan arnaıy halyqqa qyzmet kórsetý ortalyqtarynda emtıhan tapsyrýǵa qajetti qurylǵylar ázirge respýblıkanyń eki qalasynda ornatyldy, Atyraý men Qaraǵandyda.

A.Sokolov