Atyraýda múmkindigi shekteýli 7 myń balaǵa jańajyldyq syılyq berilip jatyr

ATYRAÝ. QazAqparat –Atyraý oblysynda qazirgi tap qazir múmkindigi shekteýli 7 myń balaǵa jańajyldyq syılyqty berý bastaldy, dep habarlaıdy QazAqparat.

Jańajyldyq syılyqty oblystyq jumyspen qamtýdy úılestirý jáne áleýmettik baǵdarlamalar jáne bilim basqarmasy taratyp jatyr.

«Halqymyzda «Berseń, balaǵa ber» danalyq sóz bar. Muny balany bolashaǵyna balaǵan halqymyz beker aıtpaǵan. Bizdiń maqsatymyz – balalardy qýantý. Onyń ishinde erekshe qajettiligi bar balalardy qýantyp ǵana qoımaı, memleketimizdiń olardy qoldaýsyz qaldyrmaıtynyn uǵyndyrý. Jańa jyl qarsańynda oblys ákimi Mahambet

Dosmuhambetov óńirdegi múgedektigi bar 7 myń balaǵa arnaıy syılyqtar berýdi tapsyrǵan edi. Sol syılyqtardy erekshe balalarǵa úlestire bastadyq», - deıdi oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Azamat Mámbetov.

Eske sala ketelik, buǵan deıin Atyraýda otbasy úlgisindegi balalar aýyly ashylǵanyn habarlaǵan bolatynbyz.