Atyraýda múgedektigi bar adamdar úshin 150 oryndyq ońaltý ortalyǵy salynady
Eńbek jáne halyqty áleýmettik qorǵaý vıtse-mınıstri Erbol Ospanov Atyraýdaǵy múgedektigi bar adamdarǵa kórsetiletin áleýmettik qyzmettermen tanysyp, arnaýly ortalyqtardy aralady.
«Elimizde múgedektigi bar azamattarǵa arnalǵan ońaltý ortalyqtaryn salý qolǵa alyndy. Sonyń biri Atyraý oblysynda boı kóteredi. Bıyl ınvataksı qyzmeti ıAndeks Go mobıldi qosymshasy arqyly júzege asyryla bastady. Endi múgedektigi bar adamdar úshin tehnıkalyq ońaltý quraldarynyń parkin ashý josparlanyp otyr. Mundaı parkti qurý ońaltý quraldarynyń zamanaýı ári qymbat túrlerine qoljetimdilikti keńeıtýge múmkindik beredi», - dep málim etti Erbol Ospanov.
Oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Azamat Mámbetovtiń aıtýynsha, oblysta múgedektigi bar adamdarǵa arnalǵan 55 oryndyq ońaltý ortalyǵy jumys istep tur. Munda bir jylda 16-dan joǵary jastaǵy 100-den astam naýqas kezekpen qyzmet alady. Olar jylyna eki ret ońaltý kýrsynan ótedi. Byltyr 1 myńǵa jýyq adam ońaltý is-sharasyn alǵan. Biraq, qajetti quraldardyń jetispeýshiligi men oryn tapshylyǵy sezilip otyr.
Sondaı-aq, arnaýly áleýmettik qyzmet kórsetý ortalyqtaryndaǵy tehnıkalyq qyzmetkerlerdiń jalaqy máselesi talqylandy. Ońaltý ortalyǵynyń basshylary psıhonevrologııalyq aýytqýy bar naýqastarǵa qyzmet kórsetetin áleýmettik qyzmetkerlerge zeınet jasyn erte taǵaıyndaý týraly usynysyn jetkizdi.
Eske sala ketelik, buǵan deıin Atyraýda múgedekterdi ońaltýǵa arnalǵan ortalyqqa jańa jabdyqtar alynǵanyn jazǵan edik. Oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Azamat Mámbetovtiń aıtýynsha, sheteldik kompanııa múgedekterdi ońaltýǵa arnalǵan 9 túrli apparatty syıǵa tartqan.