Atyraýda múgedekterdi ońaltýǵa arnalǵan ortalyqqa jańa jabdyqtar alyndy
Oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Azamat Mámbetovtiń aıtýynsha, sheteldik kompanııa múgedekterdi ońaltýǵa arnalǵan 9 túrli apparatty syıǵa tartqan.
«Basqarmanyń teńgeriminde múgedekterdi ońaltý ortalyǵy bar. Bul ortalyq 55 orynǵa eseptelgen. Biraq, munda qosymsha em qabyldaýshylar úshin arnaıy kabınet jasaqtaldy. Osy ortalyqtyń jattyǵý zalyna jańa zamanaýı jabdyqtar, onyń ishinde qosymsha aspaly júgirý apparaty ákelindi. Al, naýqastardy ınsýlttan keıin qalpyna keltirýge arnalǵan jabdyqtar men tirek-qımyl, aıaq-qol massajyn jasaý úshin 9 túrli apparattyń beseýi ornalastyryldy. Endi aldaǵy ýaqytta úsh túrli apparat ornalastyrý josparlanyp otyr. Bular – tize jáne jambas býyndaryn, ıyq býynynyń passıvti damýyn qalpyna keltiretin jáne ellıptıkalyq stepper apparaty», -dep málim etti Azamat Mámbetov.
Onyń aıtýyna qaraǵanda, oblystyq múgedekterdi saýyqtyrý ortalyǵynda 16 jastan asqan birinshi jáne ekinshi toptaǵy múgedekterge qyzmet kórsetiledi. Munda múgedektigi bar jandar jylyna eki ret ońaltý kýrsynan ótedi. Byltyr 1 myńǵa jýyq adam ońaltý is-sharasyn alǵan.
Eske sala ketelik, budan buryn 3 myńǵa jýyq atyraýlyq múgedek shıpajaıda tegin emdelgenin habarlaǵan edik.
Keıin Atyraýda jalǵyzbasty 100 zeınetker shıpajaıda tegin em alatynyn jazǵan bolatynbyz.