Atyraýda meıramhanada jasalǵan toıǵa 50 adam jınalǵan

ATYRAÝ. QazAqparat – Atyraýda bir kúnde 9 kásipkerlik nysany kúsheıtilgen karantın shekteýin buzǵan, dep habarlaıdy QazAqparat.

Budan buryn Atyraýda oblysynda Ashyq jobasyna qatysatynyna qaramastan birneshe nysannyń jumysy toqtatylatyny habarlanǵan edi.

«Monıtorıng toptardyń jumysy kúsheıtildi. Soǵan qaramastan Atyraý qalasynda bir kúnde karantın talaptaryn buzǵan 9 kásipkerlik nysan anyqtaldy», - deıdi oblystyq polıtsııa departamentiniń bastyǵy Qamza Úmbetqalıev.

Onyń aıtýynsha, 17 shildede saǵat 13:36 shamasynda monıtorıng toby Beıbarys kóshesinde ornalasqan «Continental Gold» meıramhanasynda toı ótip jatqanyn anyqtaǵan. Bul meıramhanadaǵy toıǵa 50-den astam adam qatysqan.

Sondaı-aq, sol kúni saǵat 15:55 shamasynda Atyraý móltek aýdanyndaǵy «Akvaraı» akvaparki karantın talaptaryn buzyp, jumys istegen. «Zheka’s doner house» kafesi saǵat 22:15 shamasynda kelýshilerdi qabyldaǵan. Alaıda, bul nysannyń ıesi túsinik berýden bas tartqan.