Atyraýda meıramhana men karaoke klýbtary shekteý rejımin birneshe ret buzǵan

ATYRAÝ. QazAqparat – Atyraý qalasynyń polıtseıleri mobıldik toppen birge karantındik shekteý rejımin birneshe ret buzǵan meıramhanalar men karaoke klýbtardy anyqtady, dep habarlaıdy QazAqparat.

«Máselen, túngi saǵat 22:00-den keıin «Kıtaıka» meıramhanasy shekteý sharalaryn úshinshi ret buzyp, 20-ǵa jýyq adamǵa qyzmet kórsetken. Al, «Baký» meıramhanasy da jumys istep turǵan. Munda 15-ten astam adam bolǵan. Al «Ryba moeı mechty» karaoke klýbynda 70-ke jýyq adamnyń bolǵany anyqtaldy. Atalǵan karaoke klýby karantın rejımi bastalǵaly beri 8-shi ret shekteýler men talaptardy buzyp otyr», - dep habarlady oblystyq polıtsııa departamentiniń baspasóz qyzmeti.

Polıtsııa qyzmetkerleri eki meıramhana men karaoke klýbtyń basshylaryna ákimshilik hattama toltyrdy. Bul hattamalar Atyraý qalasy taýarlar men qyzmetterdiń sapasy men qaýipsizdigin baqylaý basqarmasyna joldandy.

Eske sala ketelik, budan buryn Atyraý oblysynda 70 otbasylyq shara jasyryn ótkenin habarlaǵan bolatynbyz.