Atyraýda Memlekettik tý kóterilip, patrıottyq ánder shyrqaldy

ATYRAÝ. QazAqparat – Atyraýda 4 maýsym – Memlekettik rámizder kúnine oraı saltanatty shara ótti. Týtuǵyr alańynda Memlekettik tý kóterilip, aptrıottyq ánder shyrqaldy, dep habarlaıdy QazAqparat tilshisi.

Saltanatty is-sharaǵa zııaly qaýym ókilderi, Qarýly kúshter, Qazaqstan halqy Assambleıasy etnomádenı birlestiginiń ókilderi qatysty. Іs-shara M.Ótemisuly atyndaǵy akademııalyq qazaq drama teatry ártisteriniń prologymen ashyldy.

«Memlekettik rámizder – el táýelsizdiginiń basty nyshany. Elimiz táýelsizdik alǵan jyldary shekaramyz bekitilip, memlekettik rámizderimiz qabyldandy. Eltańbamyzben bir shańyraq astynda beıbit ómir men tatýlyqty ańsaıtynymyzdy tanyttyq. Kók týymyzben ashyq aspan astynda qyrandaı qalyqtap, damyǵan eldermen terezemiz teń bolýyn kórsettik. Al, Ánuranymyz boıǵa erekshe rýh beredi. Osylaısha, táýelsizdigimiz úshin myń ólip, myń tirilip, namysymyzdy qoldan bermegenimizdi jetkizdik. Barshamyz memlekettik rámizderdiń mańyzdylyǵyn jas urpaqqa nasıhattap, ony qurmetteýge úndeýimiz kerek.

Kók baıraǵymyz bıikte jelbirep, Ánuranymyz shyrqala bersin!» - dedi oblys ákimi Serik Shápkenov.

Іs-shara kezinde Memlekettik Tý kóterildi. Sońynan óńirdiń kórkempazdarynyń patrıottyq ánderdi shyrqady.

Eske sala ketelik, budan buryn Atyraýda bıiktigi 91 metrlik týtuǵyr ornatylǵanyn habarlaǵan bolatynbyz.

Týtuǵyrdyń bıiktigi – 91 metr. Alyp týdy únemi kórinip turýy úshin qolmen nemese elektr jetegimen kóteretin kóp qyrly bolattan jasalǵan dóńgelek konýstyq tiregi bar.

Uzyndyǵy 80 metrlik týtúǵyr kompozıtsııasy sýburqaq pen doǵa pishindi kompozıtsııadan turady. Kompozıtsııanyń orta tusynda qoladan jasalǵan Qazaqstan Respýblıkasynyń kartasy, joǵary jaǵynda Eltańba, al shetki bólikterinde Ánuran jazylǵan.