Atyraýda memlekettik qyzmet mektebi ashyldy
QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń departamenti QR Prezıdenti janyndaǵy Memlekettik basqarý akademııasynyń Atyraý fılıalymen birlesip Memlekettik qyzmet mektebin ashty. Sharaǵa tyńdaýshy retinde 100-den astam stýdent qatysty. Olar osy oqý ornyna túsý tártibi, memlekettik qyzmetke irikteý, taǵylymdama jáne kareranyń ósýi jaıyn bildi. Mektepti ashýdaǵy negizgi maqsat - memlekettik mekemelerde taǵylymdamadan ótýdi uıymdastyrý, daryndy mamandardyń olardyń qyzmetimen tanysýyna múmkindik berý.
«Qazirgi kezde qabyldaý júrip jatyr. Suhbattan ótken stýdentterdiń barlyǵy QR Prezıdenti janyndaǵy Memlekettik basqarý akademııasynyń Atyraý fılıalynda oqyp, memlekettik qyzmetkerdiń etıkalyq erejelerin saqtaýdy, sybaılas jemqorlyqtyń aldyn alýdy, memlekettik qyzmetter kórsetýdi, úkimettik emes uıymdardyń qyzmetin úırenip, quqyq qorǵaý organdary men sot júıesiniń qyzmetimen tanysady», - deıdi QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Atyraý oblystyq departamenti basshysynyń orynbasary Rýslan Tuńǵyshbaev.
Bilim alýshylar oqýdan soń memlekettik organdarda taǵylymdamadan ótedi. Sodan keıin bitirýshilerge arnaýly sertıfıkattar beriledi.