Atyraýda memqyzmetshilerge eńbekaqy tóleýdiń jańa júıesi engiziledi

ATYRAÝ. QazAqparat - Bıyl Atyraý oblysynda memlekettik qyzmetshilerge eńbekaqy tóleýdiń jańa júıesi engiziledi. Pılottyq jobany faktorly baldyq shkala negizinde júzege asyrý kózdelip otyr, dep habarlaıdy QazAqparat.

Bul týraly búgin oblystyq kadr saıasaty komıssııasynyń keńeıtilgen otyrysynda belgili boldy. QR Memlekettik qyzmet isteri agenttigi Atyraý oblysy boıynsha departamentiniń basshysy Salaýat Múksimovtiń aıtýynsha, buǵan deıin departamentte eńbekaqy tóleýdiń jańa júıesi engizilip, memlekettik qyzmetshilerdiń jalaqysy eki esege ósken. Endi pılottyq joba ákimdikterge engizilgeli otyr.

«Birinshiden, jalaqy mólsheri – birneshe krıterııge táýeldi. Eńbek ótili ózgeshe esepteledi. Fýnktsıonaldy irikteý, topqa bólý júrgiziledi. Buryn eńbek ótili kóp qyzmetker jumystyń nátıjesine qaramastan joǵary jalaqy alǵan bolsa, endi oǵan qyzmetiniń tıimdiligine baılanysty eńbekaqy tólenedi. Qazir 1 500-den astam shtat sany men olardyń jalaqysy bekitilýde.

Ekinshiden, jyl ótken soń ár memlekettik qyzmetshiniń jumysy baǵalanyp, sonyń nátıjesimen bonýs mólsheri belgilenedi» - dedi QR Memlekettik qyzmet isteri agenttigi Atyraý oblysy boıynsha departamentiniń basshysy Salaýat Múksimov.