Atyraýda mektep oqýshysy tamshylatyp sýarý qondyrǵysyn jasap shyǵardy
Oblystyq bilim basqarmasynyń baspasóz qyzmetiniń málimetinshe, tamshylatyp sýarý
qondyrǵysyn jasaǵan ónertapqysh – Inder aýdanynyń S.Seıfýllın atyndaǵy orta mektebiniń 7 synyp oqýshysy Qajymuqan Muqanov.
«Tamshylatyp sýarý – sýdy, sondaı-aq ósimdikterdi zııankesterden qorǵaıtyn agrohımııalyq tyńaıtqyshtardy tamyrǵa tikeleı ári birkelki jetkizý úshin qoldanylatyn óndiristik ádis», – deıdi ónertapqysh oqýshy.
Ol aýdandaǵy oqýshylar shyǵarmashylyq ortalyǵynyń «Sheber» úıirmesine 2017 jyldan beri qatysyp keledi. Úıirme jetekshisi Ótepqalı Násipqalıdyń aıtýynsha, Qajymuqan Muqanov – óte ańǵarympaz bala.
«Bizdiń úıirmemiz oqýshylardyń sabaqtan tys ýaqytyn tıimdi uıymdastyrý maqsatynda qurylǵan bolatyn. Munda oqýshylar óz qabiletin shyńdap, oıǵa alǵan jobalaryn iske asyrady. Sondaı oqýshynyń qataryndaǵy Qajymuqan Muqanov aýdandyq, oblystyq saıystarda baq synap, túrli júldege ıe bolyp júr», – deıdi úıirme jetekshisi Ótepqalı Násipqalı.
Eske sala ketelik, budan buryn atyraýlyq oqýshy ósimdikten boıaý alýdyń jańa tásilin
usyǵanyn jazǵan edik.