Atyraýda mektep 7 mln teńge turatyn kabınetti 1 mlrd teńgege satyp almaq boldy

ATYRAÝ. QazAqparat - Atyraý oblysy Maqat aýdanynda bıýdjet qarajatyn ysyrap etý áreketiniń joly kesildi, dep habarlaıdy QazAqparat.

Atyraý oblystyq sybaılas jemqorlyqqa qarsy is-qımyl departamentiniń málimetinshe, Maqat aýdandyq bilim bólimine qarasty B.Qanatbaev atyndaǵy orta mektep qyzdarǵa arnalǵan tehnologııa kabınetin 1 mıllıard teńgege satyp alýdy josparlaǵan.

Oqý kabınetteriniń medıandyq baǵasy - 3,5 mln men 7 mln teńge aralyǵynda.

Departament atalǵan faktini memlekettik satyp alý portalynyń monıtorıngi barysynda anyqtap, memlekettik satyp alýdy uıymdastyrýshynyń atyna usynys hat joldady.

Usynys hatty qaraý qorytyndysy boıynsha soma 12 mln teńgege ózgertildi.

Osylaısha, bıýdjet qarajatynyń 1 059 428 571 teńgesi únemdeldi.