Atyraýda medıtsına qyzmetkerlerine «Halyq alǵysy» medali men páter berildi
Atyraý oblysynyń ákimi Mahambet Dosmuhambetovtiń aıtýynsha, Táýelsizdiktiń 30 jylynda medıtsına qyzmetkerlerine 89 qyzmettik páter berilgen.
«Táýelsizdik jyldary oblystyń densaýlyq saqtaý salasy qarqyndy damydy. Salaǵa bólinetin qarjy kólemi jyl saıyn artyp keledi. Densaýlyq saqtaý salasyn tsıfrlandyrý 100 protsentke jetip, emhanalar men aýrýhanalarda jańa tehnologııalar engizilip jatyr. Qazir oblystyń medıtsınalyq tehnıkalarmen jabdyqtalý kórsetkishi 91 protsentke jetti. Oblystyq medıtsınalyq jedel-járdem stantsııasynyń bazasy 100 paıyzǵa jańardy. Elimiz táýelsizdik alǵan bergi 30 jylda oblysta 65 densaýlyq saqtaý nysany qoldanysqa berildi. Aýdan ortalyqtarynda jańa emhanalar boı kóterdi. Memleket tarapynan kórsetilgen osyndaı qoldaýdyń nátıjesinde turǵyndardyń ortasha ómir súrý kórsetkishi 66-dan 70,5 jasqa deıin artty. Qazir oblys turǵyndarynyń sany 433 myńnan 665 myń adamǵa deıin jetti», -deıdi Mahambet Dosmuhambetov.
Ákimniń aıtýynsha, aldaǵy jyly 6 densaýlyq saqtaý nysanynyń qurylysyn aıaqtaý, jańadan 2 nysanynyń qurylysyn bastaý kózdelip otyr. Memlekettik-jekeshelik áriptestik jobasy aıasynda oblystyq aýrýhana bazasynan 20 tósektik gemodıalız ortalyǵyn ashý josparda tur.
«Dúnıejúzin jaılaǵan koronavırýs indetimen kúreste aldyńǵy shepte júrgen dárigerlerdiń eńbegi ushan-teńiz deýge bolady. Aqhalatty jandar ýaqytpen sanaspaı, naýqastardy emdeýde qoldan kelgen kómektiń bárin jasap otyr. Dárigerlerge qoldaý aldaǵy ýaqytta da jalǵasa beredi», -dedi oblys ákimi.
Prezıdent Jarlyǵymen bir top dárigerge «Halyq alǵysy» medali tabys etildi. Sondaı-aq, medıtsına salasynda eńbek etip júrgen 19 jas qyzmetkerge páter kilti tabystaldy.
Atyraý qalasyna taıaý ornalasqan Geolog emhanasynyń dárigeri Baǵdáýlet Rahmanulynyń pikirinshe, memleket tarapynan kórsetilip otyrǵan qoldaý jastardyń medıtsına salasyna qyzyǵýshylyǵyn oıatqan.
«Sońǵy jyldary ásirese, jas mamandardy baspanamen qamtý jolǵa qoıyldy. Mektep túlekteriniń joǵary bilim alýyna granttar bólinip otyr. Munyń bári jastardyń medıtsına salasyn tańdaýyna yqpal etti», -deıdi ol.
Eske sala ketelik, budan buryn Atyraý oblysynda 26 myńnan astam kásipkerlik nysanyn áıelder basqaratynyn habarlaǵan edik.